Numëron mbi 50% e votave me postë, ky është rezultati deri më tani

Komisioni Qendror i Zgjedhjeve (KQZ) vazhdon me procesin e numërimit të votave nga zgjedhjet e parakohshme, të cilat u mbajtën më 7 qershor.

Sipas të dhënave të publikuara në faqen zyrtare të KQZ-së, deri tani janë numëruar 131 nga gjithsej 223 kuti votimi të votave me postë, duke arritur kështu një përqindje prej 58.74%.

Në rezultatet paraprake për votat me postë, Lëvizja Vetëvendosja (LVV) udhëheq me 70.26%. Pas saj renditet Lidhja Demokratike e Kosovës (LDK) me 13.71%, ndërsa Partia Demokratike e Kosovës (PDK) ka siguruar 8.59% të votave të numëruara deri tani.

Procesi i numërimit pritet të vazhdojë gjatë orëve në vijim, dhe rezultatet mund të ndodhin ndryshime me numërimin e kutive të mbetura.