Numërohen mbi 40 për qind e votave me postë

Numërimi i votave jashtë Kosovës, i realizuar përmes postës, vazhdon në Qendrën e Numërimit dhe Rezultateve. Ky proces është në lidhje me zgjedhjet e mbajtura më 7 qershor.

Derisa procesi i numërimit po avancon, deri tani është përfunduar numërimi i 41.26 për qind të fletëvotimeve, ose 92 nga gjithsej 223 kutive të votimit.

Komisioni Qendror i Zgjedhjeve ka njoftuar se pritet që numërimi i të gjitha fletëvotimeve nga votimi përmes postës jashtë Kosovës të përfundojë deri në mesjavë.