Nuk iu bind policisë dhe sulmoi zyrtarët, prangoset i dyshuari në Skenderaj

Një person është arrestuar mbrëmjen e së premtes në Skenderaj, nën akuzën se ka shkelur urdhrat e zyrtarëve policorë dhe që më pas ka sulmuar fizikisht ata.

Sipas raportit të Policisë së Kosovës, incidenti ka ndodhur rreth orës 20:00.

Si rezultat i sulmit, një zyrtar policor ka pësuar lëndime trupore dhe ka kërkuar tretman mjekësor.

Pas vendimit të prokurorit, i dyshuari është dërguar në mbajtje. Rasti aktualisht është duke u hetuar nga organet kompetente.