Një lajm i trishtë ka shënuar ditën e sotme për familjen e aktorit të njohur të humorit, Rezart Veleshnja. Babai i tij ka ndërruar jetë, duke lënë pas një dhimbje të thellë për të afërmit, miqtë dhe adhuruesit e tij.
Aktori e ka bërë të ditur këtë lajm të hidhur përmes një postimi në rrjetet sociale. Ai ka ndarë një foto pranë të atit dhe ka zgjedhur fjalë prekëse për të shprehur lamtumirën e fundit.
“Ishe babai më i mirë në botë, më ke lënë një boshllëk që nuk e di si do ja bëj! Ma thave zemrën… Zoti do të mbajë afër vetes vetëm për shpirtin dhe humorin që ke!”, janë fjalët e tij të ndjera.
Pas publikimit të këtij lajmi, janë bërë të shumta mesazhet e ngushëllimit nga ndjekësit dhe figura të njohura të artit dhe ekranit shqiptar. Kolegët dhe miqtë kanë shprehur mbështetje dhe ngushëllime të sinqerta për Rezartin dhe familjen e tij në këtë moment të vështirë.
Be the first to comment