Policia Rajonale e Ferizajt ka bërë të ditur se gjatë javës së kaluar ka shqiptuar 1,517 gjoba për shkelje të rregullave të trafikut. Po ashtu, janë pezulluar 23 patentë shoferë, si pjesë e aktiviteteve për parandalimin e aksidenteve rrugore.
Nga data 13 deri më 19 korrik 2026, në rajonin e Ferizajt janë regjistruar gjithsej 48 aksidente. Prej tyre, 14 aksidente kanë rezultuar me lëndime, ku 22 persona kanë pësuar dëmtime, ndërsa 34 aksidente kanë shkaktuar vetëm dëme materiale.
Policia Rajonale e Ferizajt thekson se do të vazhdojë me aktivitete të intensifikuara për parandalimin e aksidenteve. Ajo apelon te të gjithë shoferët që të tregojnë kujdes dhe të respektojnë rregullat e trafikut. Gjithashtu, policia i fton qytetarët të bashkëpunojnë dhe të raportojnë çdo rast të shkeljes së ligjit.
You must be logged in to post a comment Login