Një 25-vjeçar gjendet pa shenja jete në një banesë në Tiranë

Policia shqiptare ka nisur hetimet për vdekjen e një personi në Tiranë.

Një 25-vjeçar është gjetur pa shenja jete në banesën e tij në kryeqytet. Sipas njoftimit nga policia, nuk janë hasur shenja dhune në trupin e viktimës.

Ngjarja ka ndodhur më 14 qershor 2026, në ora 04:35, në zonën e Astirit. Mësohet se individi, i identifikuar si E. K., është gjetur në ambientet e banesës së tij.

Grupi hetimor, në bashkëpunim me Prokurorinë, po punon për sqarimin e plotë të rrethanave të rastit. Paraprakisht dyshohet për vdekje natyrale.