Nesër vazhdojnë kërkimet për Xhafer Raqin, 78-vjeçarin që vuan nga demenca

Nesër do të vazhdojnë kërkimet për 78-vjeçarin, Xhafer Raqi, i cili është shpallur i zhdukur nga familja që në fillim të muajit korrik.

Sipas burimeve nga gazetarja e Klan Kosovës, Altiana Zogaj, kërkimet do të realizohen me kërkesë të Policisë së Kosovës.

Pjesë e operacionit do të jenë gjithashtu anëtarët e ekipeve të kërkim-shpëtimit.

Ndërkohë, familjarët e tij bëjnë thirrje për ndihmë qytetarëve në gjetjen e të moshuarit, i cili vuan nga demenca.

Të gjithë ata që kanë informacione në lidhje me 78-vjeçarin ftohen të lajmërohen në numrin e telefonit:

+383 44 737 900