Në këtë shtet temperaturat do të shkojnë deri në 44 gradë Celsius

Zyra Meteorologjike Spanjolle, AEMET, ka lëshuar një alarm të kuq për një valë të nxehtë që do të zgjatë të paktën deri të dielën.

Paralajmërimi përfshin rajonet jugperëndimore dhe qendrore të vendit, përfshirë edhe Ishujt Kanarie. Një zonë e gjerë me presion të lartë do të forcohet, duke shkaktuar rritje të temperaturave nën qiellin e qartë, sipas raportimeve nga BBC.

Temperaturat pritet të arrijnë nga 39 deri në 41 gradë Celsius deri të mërkurën dhe ka mundësi që ato të rriten edhe më shumë gjatë javës.

Veçanërisht, në luginat e Guadalquivir, Guadiana dhe Ebro, temperaturat pritet të kalojnë 40 gradë Celsius për disa ditë të njëpasnjëshme. E premtja duket se do të jetë dita më e nxehtë e javës, me Kordobën që pritet të arrijë deri në 44 gradë Celsius, ndërsa Toledo, Zaragoza dhe Ciudad Real do të përjetojnë temperatura rreth 42 gradë Celsius.