Moti i keq, thyhen xhamat dhe dëmtohet muri në objektin e një qytetari nga Fushë Kosova (VIDEO)

Moti i keq i regjistruar pasditen e së martës ka shkaktuar dëme në disa rajone të Kosovës.

Erërat e fuqishme dhe reshjet e mëdha të shiut kanë rezultuar me dëme të konsiderueshme, duke prekur edhe një banor në Fushë Kosovë.

Pamjet që kanë mbërritur në redaksinë e Klankosova.tv tregojnë se në një objekt në këtë qytet janë thyer xhamat dhe është dëmtuar muri.

Deritani, nuk ka pasur raportime për të lënduar si pasojë e këtyre fenomeneve atmosferike.