Mot i paqëndrueshëm të mërkurën, priten rrebeshe shiu e breshër

Të mërkurën, moti në Kosovë pritet të jetë përgjithësisht me diell dhe vranësira. Herë pas here, do të ketë rrebeshe lokale shiu.

Temperaturat minimale do të variojnë nga 16 në 18 gradë Celsius, ndërsa ato maksimale do të arrijnë midis 27 dhe 30 gradë Celsius.

Era do të fryjë nga veriu me shpejtësi që shkon nga 20 deri në 60 kilometra në orë. Në rajonet ku do të ketë zhvillime të theksuara konvektive, pritet që era të jetë më e fuqishme.