Mosmarrëveshje në trafik përfundon me sulm fizik dhe kërcënim me armë në Suharekë

Një mosmarrëveshje e ndodhur në trafik në Duhël të Suharekës ka përfunduar në një incident të dhunshëm. Sipas informacioneve, një person dyshohet se ka sulmuar fizikisht dy individë të tjerë dhe ka treguar një armë zjarri.

Policia ka konfirmuar se gjatë kontrollit të personit të dyshuar, është gjetur dhe konfiskuar një pistoletë me një fishek.

I dyshuari ka marrë ndihmë mjekësore dhe, me urdhër të prokurorit, është liruar. Rasti do të procedohet në mënyrë të rregullt.