Capital T ka ndarë me ndjekësit një kolazh fotografish nga përditshmëria e tij, ku përfshihen momente romantike me partneren, modelen shqiptare Adrola Dushi.
Dyshja, e cila ka qenë në qendër të spekulimeve për një lidhje të mundshme, e ka zyrtarizuar romancën e tyre vetëm disa muaj më parë. Në fotografitë e publikuara, ata shihen duke shijuar pushime së bashku dhe duke kaluar momente intime.
Këngëtari e ka shoqëruar postimin me përshkrimin “Romancë vere”, duke tërhequr vëmendjen për lidhjen e tyre të konsoliduar.
Përveç momenteve personale, kolazhi përfshin gjithashtu pamje nga koncerti i Kanye West në Shqipëri, si dhe momente të tjera nga jeta e tij profesionale.
Capital T vazhdon të jetë tepër aktiv në karrierën e tij, duke sjellë këngë të reja dhe koncerte. Edhe pse romanca e tyre u zyrtarizua së fundmi, ata kanë qenë bashkë prej vitesh.
You must be logged in to post a comment Login