Mirlind Daku uron Vesën për ditëlindje me një postim të veçantë

Futbollisti shqiptar Mirlind Daku ka bërë një dedikim të veçantë për bashkëshorten e tij, Vesa Vllasaliu, me rastin e ditëlindjes së saj.

Ai ka zgjedhur rrjetet sociale për ta uruar Vesën, duke publikuar në InstaStory një fotografi të saj së bashku me vajzën e tyre të vogël.

Krah imazhit të ëmbël familjar, Daku i ka kushtuar bashkëshortes një urim të shkurtër, por shumë domethënës. “Urime ditëlindjen,” ka shkruar ai, duke e shoqëruar urimin me një emoji në formë zemre.

Në fotografinë e publikuar, Vesa shfaqet duke pozuar e buzëqeshur, teksa mban në krah vajzën e tyre.

Mirlind Daku dhe Vesa Vllasaliu u bënë prindër për herë të parë në dhjetor të vitit të kaluar, ku ata e pagëzuan vogëlushen me emrin Miresa. Ky lajm pati jehonë të madhe në mediat rozë, me ndjekësit që shprehën kuriozitet për raportin e tyre.