Çifti i njohur për publikun, Mihrije Braha dhe Naim Abazi, ishin të ftuar në emisionin “Top Arena”, ku ndanë sekrete mbi forcën e martesës së tyre.
Në lidhje me çfarë do të donin të ndryshonin te njëri-tjetri, Naimi me një humor të hollë tha se Mihrije ka shfaqur mençuri duke ndryshuar herë pas here ngjyrën e flokëve, për ta mbajtur atë të angazhuar dhe dhe që ai të mos mendojë për ndërrimin e gruas.
Kur diskutuam për fansat, të dy u pajtuan se Mihrije ka më shumë admirues, ndërsa Naimi theksoi:
“Mihrije, atë e duan si femrat ashtu edhe meshkujt. Mua s’më duan meshkujt, këtu është problemi.”
Pjesë nga intervista:
Françeska: Pas kaq shumë vitesh bashkë, cili është sekreti i forcës së martesës tuaj?
Mihrije: Mendoj që dashuria jonë është shumë e sinqertë dhe e bukur, e cila vazhdon të ushqehet. Ajo nuk është shuar asnjëherë dhe sa kalojnë vitet, dashuria jonë vetëm rritet.
Naim: Si lulet.
Françeska: Po sikur të donit të ndryshonit diçka te njëri-tjetri, çfarë do të ishte?
Naim: Unë nuk do të doja që Mihrija të ndryshonte. Ajo ka përdorur një strategji shumë të mirë duke ndryshuar shpesh ngjyrën e flokëve për të rifreskuar pamjen, që të mos më ndodhë të ndërroj grua.
Françeska: Kush është më i rreptë me djalin?
Mihrije: Ne nuk jemi të rreptë. Unë nuk kam qenë e tillë as kur ai ka qenë i vogël; jam mes atyre mamave që e adhurojnë djalin.
Françeska: Kush e thotë më shpesh fjalën "të dua"?
Mihrije: Unë.
Françeska: Pse kështu?
Naim: Unë i them vetëm një herë, në 1 janar ‘Të duaaaa’, dhe 365 ditë jehona e mban.
Françeska: Tingëllon si ai që e nis debatin i pari?
Naim: Unë filloj debatin, por për mirë.
Françeska: Kush ka më shumë fansa?
Mihrije: Unë.
Naim: Mihrije, atë e duan si femrat ashtu edhe meshkujt. Mua s’më duan meshkujt, këtu është problemi.
Françeska: Bëhesh xheloz ti?
Naim: Jo, nuk bëhem xheloz. Madje, përpiqem të ndikoj që Mihrija të ketë sa më shumë fansa.
Be the first to comment