Liria e mediave dhe sfidat që përballen gazetarët u diskutuan mbrëmjen e kaluar në emisionin “Rubikon” në Klan Kosova.
Hulumtuesi i Institutit të Kosovës për Drejtësi, Qemajl Marmullakaj, shprehu shqetësime lidhur me sanksionet e Komisionit të Pavarur të Medieve (KPM) ndaj mediave. Ai theksoi se këto vendime ishin jashtëligjshme, bazuar në monitorimin e realizuar nga IKD-ja.
Marmullakaj deklaroi: “Rekomandimet janë dhënë nga një mekanizëm që vepron në kundërshtim me ligjin. Ka pasur një shkelje të procesit të vendimmarrjes, pasi komisioni ka marrë vendime jashtafateve të përcaktuara me rregullore.”
Ai vazhdoi duke sqaruar se, gjatë periudhës së monitorimit të KPM-së, ata kanë asistuar këtë institucion në harmonizimin e akteve nënligjore, me fokus në rregulloren 2024/03, e cila ndërlidhet me përgjegjësinë e operatorëve medialë gjatë zgjedhjeve. Për këtë arsye, Marmullakaj arriti në përfundimin se vendimet e marra janë të jashtëligjshme.
Be the first to comment