Manchester United ka forcuar repartin e mesfushës me zyrtarizimin e transferimit të brazilianit Andrey Santos nga Chelsea. Marrëveshja, sipas burimeve, arrin në vlerën e 56 milionë eurove.
Mesfushori 22-vjeçar i bashkohet “Djajve të Kuq” pas një periudhe te Chelsea, ku u transferua në vitin 2023 nga Vasco da Gama. Gjatë kohës së tij në “Stamford Bridge”, Santos u vlerësua si një nga talentet më të shkëlqyer të futbollit brazilian, duke marrë gjithashtu ftesë për të luajtur me Kombëtaren e Brazilit.
Një rol të rëndësishëm në zhvillimin e tij kishte huazimi 18-mujor te RC Strasbourg, ku ishte një nga lojtarët kyç për kualifikimin e skuadrës franceze në UEFA Conference League. Performancat e tij të shkëlqyera e çuan në titullin “Lojtari i Ri i Muajit” në Ligue 1 për muajin mars.
Në verën e vitit 2025, Santos u rikthye te Chelsea dhe ishte pjesë e skuadrës që fitoi Kupën e Botës për Klube. Ai e përfundon aventurën me “Blutë” pas 47 paraqitjeve në të gjitha garat.
Sipas raportimeve, Manchester United ka investuar rreth 56 milionë euro për ta siguruar Santosin, i cili pritet të jetë një nga përforcimet kryesore të ekipit për sezonin e ri.
Be the first to comment