Mallakastër: Kamioni me koshere del nga rruga dhe përmbyset, bletët shpërndahen në zonë

Një aksident rrugor ndodhi të martën pasdite pranë fshatit Poçem, në Mallakastër. Një kamion, i cili transportonte koshere bletësh, doli nga rruga dhe u përmbys.

Si pasojë e përmbysjes, kosheret e bletëve pësuan dëmtime dhe bletët u shpërndanë në rrugë, duke krijuar vështirësi në qarkullim dhe rrezik për kalimtarët.

Në vendngjarje arritën shërbimet zjarrfikëse dhe ekipi i urgjencës mjekësore, i cili ofroi ndihmën e parë për pasagjerët në kamion gjatë aksidentit.

Fatmirësisht, nuk ka informacione për persona të lënduar rëndë, por vetëm dëme materiale janë raportuar.

Autoritetet janë angazhuar për të normalizuar situatën dhe për të pastruar zonën nga bletët e shpërndara.