Luiz Ejlli përfundon në polici, shfaqet i revoltuar

Një video e publikuar në redaksinë e JOQ Albania ka rikthyer në qendër të vëmendjes fituesin e “Big Brother VIP Albania 2”, Luiz Ejlli.

Këtë herë, këngëtari nuk është parë në ndonjë koncert ose intervistë, por në ambientet e Komisariatit nr. 3 në Tiranë.

Pamjet që po qarkullojnë në rrjet tregojnë Luiz Ejllin duke biseduar me një efektiv policie. Kjo video ka shkaktuar menjëherë interes dhe diskutime mes ndjekësve, pasi arsyeja e pranisë së tij në komisariat mbetet e paqartë.

Deritani, nuk ka asnjë informacion zyrtar lidhur me rrethanat e ngjarjes ose arsyen që e ka çuar këngëtarin në ambientet e Policisë së Shtetit.

Pamjet kanë sjellë reagime të shumta në rrjetet sociale, ku përdoruesit po spekulojnë mbi skenarë të ndryshëm. Disa prej tyre kërkojnë që të mos nxirren përfundime pa u sqaruar faktet.

Mbetet për t’u parë nëse Luiz Ejlli ose autoritetet do të japin një sqarim rreth këtij episodi, që ka ngjallur shumë kuriozitet te publiku.