Liri për Jozin, s’ka bërë asgjë përveç të drejtës që i takon

Arrestimi i Joz Markut ka shkaktuar një valë reagimesh, ndërsa artisti Seldi Qalliu ka dalë publikisht në mbështetje të tij.

Në një postim në Instagram, Qalliu kërkoi lirimin e Markut, duke shpjeguar veprimin e tij ndaj Eduart Kuçit. Ai theksoi: “Free Joz Marku. S’ka bërë asgjë, veçse ka marrë të drejtën që i takon pasi iu sha familja drejtpërdrejt para të gjithëve.”

Seldi Qalliu, i cili prej kohësh jeton në Shtetet e Bashkuara, është tërhequr ndjeshëm nga skena muzikore dhe paraqitjet televizive. Ai ka zgjedhur një jetë më të qetë, të larguar nga vëmendja që e shoqëronte më parë.

Megjithatë, ai vazhdon të jetë aktiv në rrjetet sociale dhe këtë herë ka reaguar për një nga ngjarjet më të komentuara të ditëve të fundit.