Sot në Prizren, Ibish Çoçaj është arrestuar nën akuzat për falsifikim dokumentesh dhe mashtrim. Burimet e Klankosova.tv përmendin se ky informacion vjen nga Prokuroria Themelore e Prizrenit.
Çoçaj, i cili është pronar i një Qendre për Verifikim të Aftësive Profesionale, po dyshohet se, që nga viti 2019, ka lëshuar rreth 1,679 diploma profesionale pa zhvilluar trajnimet përkatëse, si ato teorike ashtu edhe praktike.
Sipas hetimeve, dyshohet se një diplomë është shitur për rreth 300 euro, dhe fitimi total nga kjo veprimtari dyshohet të arrijë rreth 500 mijë euro.
Shënim: Personi i përmendur në këtë artikull prezumohet të jetë i pafajshëm deri në një vendim përfundimtar nga gjykata.
You must be logged in to post a comment Login