Legjenda e futbollit spanjoll, Joan Capdevila, ka zgjidhur një problem që e kishte penguar të udhëtonte drejt Shteteve të Bashkuara për të ndjekur nga afër finalen e Kupës së Botës 2026.
Ish-mbrojtësi i Spanjës kishte njoftuar më parë përmes rrjeteve sociale se nuk ishte lejuar të udhëtonte për shkak të një problemi me autorizimin elektronik të udhëtimit (ESTA), sipas raportimeve nga mediat ndërkombëtare.
Megjithatë, situata është zgjidhur shpejt. Capdevila ka ndarë një fotografi në rrjete sociale, ku shfaqet së bashku me ish-bashkëlojtarin e tij, Marcos Senna, teksa hipin në aeroplanin me destinacion New Yorkun.
Raportimet sugjerojnë se pengesa për udhëtimin lidhej me një vizitë të mëhershme që Capdevila kishte bërë në Iran, e cila ndikoi në procesin e miratimit të ESTA-s.
Joan Capdevila është pjesë e gjeneratës së artë të Spanjës, duke qenë titullar në ekipin që fitoi Kupën e Botës në vitin 2010 në Afrikën e Jugut.
Be the first to comment