LDK: Kuvendi duhet të konstituohet brenda afatit të përcaktuar nga Gjykata Kushtetuese

Lidhja Demokratike e Kosovës (LDK) ka reaguar në lidhje me njoftimin e Kuvendit të Kosovës për vazhdimin e seancës konstituive më datën e nesërme.

Në një postim në Facebook, LDK shpreh shqetësimin e saj për moskonstituimin e Kuvendit brenda afatit të caktuar nga Aktgjykimi i Gjykatës Kushtetuese. Sipas këtij subjekti, një situatë e tillë rrezikon ta vendosë Republikën e Kosovës në një fazë të paqartësisë kushtetuese dhe të mungesës të legjitimitetit institucional.

LDK thekson se qëndrimi i saj është i qartë: Kuvendi duhet të konstituohet në përputhje me afatin e përcaktuar nga Gjykata Kushtetuese.

Postimi i LDK-së thekson: “Lidhja Demokratike e Kosovës shpreh shqetësimin e saj për moskonstituimin e Kuvendit të Republikës së Kosovës brenda afatit të përcaktuar nga Aktgjykimi i Gjykatës Kushtetuese. Një situatë e tillë rrezikon ta vendosë Republikën e Kosovës në një fazë të paqartësisë kushtetuese dhe të mungesës së legjitimitetit institucional, me pasoja të pariparueshme për funksionimin e rregullt të institucioneve dhe sigurinë juridike në vend. Qëndrimi i LDK-së ka qenë i qartë dhe i qëndrueshëm gjatë gjithë këtij procesi. Kuvendi duhet të konstituohet brenda afatit të caktuar nga Gjykata Kushtetuese, një qëndrim që është paraqitur në çdo takim konsultativ, përfshirë takimin e zhvilluar sot nga Kryetari i LDK-së.”

Postimi i plotë i LDK-së pason këto shqetësime dhe theksime.