Lamine Yamal me golin ndaj Arabisë Saudite hyn në histori të Botërorit

Lamine Yamal ka vazhduar të shkëlqejë me Kombëtaren e Spanjës, duke bërë një hap të rëndësishëm në historinë e Kupës së Botës. Ai është futur në mesin e dhjetë golashënuesve më të rinj që kanë luajtur ndonjëherë në këtë turne prestigjioz.

Në ndeshjen e fundit, Spanja arriti një fitore të thellë prej 4-0 ndaj Arabisë Saudite në Atlanta. Yamal shënoi golin e tij në minutën e 11-të, pas një aksioni të shpejtë dhe një asistimi të trashëguar nga Mikel Oyarzabal.

Me këtë gol, ai u bë golashënuesi i tetë më i ri në historinë e Kupës së Botës, duke lënë pas emra të njohur si Lionel Messi dhe Julian Green. Kryesues i këtij renditjeje është legjenda braziliane, Pele.

Edhe pse 18-vjeçari kishte munguar në ndeshjen e parë për shkak të një shqetësimi në kofshë, rikthimi i tij si titullar u shoqërua me një paraqitje të shkëlqyer dhe një gol të rëndësishëm për Spanjën.

Më poshtë gjeni listën e plotë të golashënuesve më të rinj në historinë e Kupës së Botës:

– Pele – 17 vjeç e 239 ditë
– Manuel Rosas – 18 vjeç e 93 ditë
– Gavi – 18 vjeç e 110 ditë
– Ibrahim Mbaye – 18 vjeç e 143 ditë
– Michael Owen – 18 vjeç e 190 ditë
– Nicolae Kovacs – 18 vjeç e 197 ditë
– Dmitri Sychev – 18 vjeç e 231 ditë
– Lamine Yamal – 18 vjeç e 343 ditë
– Lionel Messi – 18 vjeç e 357 ditë
– Julian Green – 19 vjeç e 25 ditë