Në kuadër të aktiviteteve festive për “Muajin e Mërgatës” në Drenas, mbrëmjen e djeshme u mbajt një koncert i organizuar për nder të bashkatdhetarëve që ndodhen në vendlindje gjatë pushimeve.
Këngëtari Labinot Rexha ishte i ftuari kryesor i këtij eventi. Megjithatë, nata nuk shkoi ashtu siç ishte parashikuar. Kushtet atmosferike, përfshirë erën e fortë që përfshiu zonën, ndikuan në pjesëmarrjen e ulët të qytetarëve, duke lënë sheshin gati bosh.
Pavarësisht këtyre sfidave, Rexha vendosi të mos e anulonte shfaqjen. Ai vazhdoi me programin artistik, duke ndarë mesazhin e organizatorëve që shprehte mirënjohje për guximin e tij: “Pavarësisht kohës me shumë erë, Labinot Rexha e vazhdoi programin e tij artistik! Faleminderit Labi!”
You must be logged in to post a comment Login