Ines Garcia është një influencuese spanjolle në fushën e modës dhe bukurisë, e njohur gjithashtu si e dashura e futbollistit Lamine Yamal. Ajo ka tërhequr vëmendjen e madhe publike, veçanërisht gjatë pjesëmarrjes së Yamal në Kombëtaren e Spanjës dhe gjatë Kupës së Botës, ku Spanja u shpall kampione.
Garcia ndau për publikun historinë e takimit të saj me Yamal përmes një videoje në TikTok, e cila më vonë u fshi. Ajo e hodhi poshtë një ngjarje që kishte bërë rrëmujë në rrjete sociale, ku ishte përmendur se ata ishin njohur rastësisht në një dyqan. Sipas saj, takimi i tyre kishte ndodhur nëpërmjet rrjeteve sociale.
“Do të doja t’ju tregoja një histori shumë të çmendur, sikur e takova në aeroport apo rastësisht në rrugë, por jo. Jemi njohur në rrjete sociale,” shprehu Garcia, duke sqaruar kështu realitetin e njohjes së tyre.
Megjithëse lidhja e tyre është bërë publike kohët e fundit, ajo zbuloi se ata njihen prej rreth tre vitesh. Dyshimet për një lidhje mes tyre u rritën pas disa paraqitjeve së bashku, përfshirë një udhëtim në Greqi.
Gjatë Kupës së Botës, Garcia udhëtoi në Shtetet e Bashkuara për ta mbështetur Yamal, pavarësisht frikës së saj nga fluturimet. Ajo postoi fotografi nga stadiumet dhe ndau mesazhe mbështetjeje, duke e quajtur Yamal “dashuria ime”.
Ines ka një ndjekës të madh në platformat sociale, me rreth 1.4 milion ndjekës në Instagram dhe 1.7 milion në TikTok. Ajo shpërndan përmbajtje që përfshin modën, grimin, kujdesin për lëkurën, udhëtimet dhe stilin e jetesës.
Në një intervistë me revistën “Woman Madame Figaro”, Garcia theksoi se momentet më të bukura si influencuese janë mundësitë dhe bashkëpunimet me marka, si dhe pjesëmarrjet në ngjarje të ndryshme. Mega sfida më e madhe, sipas saj, është përballja me vëmendjen publike dhe kritikat nga ata që komentojnë jetën e saj pa e njohur atë.
Be the first to comment