Kurti uron kryeministrin e ri britanik, pret forcim të bashkëpunimit mes dy vendeve

Kryeministri në detyrë i Kosovës, Albin Kurti, ka uruar Andy Burnham për marrjen e detyrës si kryeministër i ri i Mbretërisë së Bashkuar.

Në një postim në platformën X, Kurti ka shprehur pritshmërinë për vazhdimin e bashkëpunimit të ngushtë ndërmjet qeverive të Kosovës dhe Mbretërisë së Bashkuar. Ai theksoi rëndësinë e bashkëpunimit në fusha të ndryshme me interes të përbashkët.

Kurti përmendi, gjithashtu, promovimin e tregtisë dhe investimeve, si dhe mbrojtjen e demokracisë nga ndikimet negative të Rusisë në Evropën Juglindore. Ai shprehu gatishmërinë për rritjen e bashkëpunimit ndërmjet Forcës së Sigurisë së Kosovës dhe Forcave të Armatosura Britanike.