Deputetja e zgjedhur e PDK-së, Eliza Hoxha, e cila ka pasur një karrierë si këngëtare, ka shpërndarë një mesazh falënderimi për artistin Yll Limani, pas pjesëmarrjes së saj në koncertin e tij.
Hoxha e përshkroi mbrëmjen si “magjike”. Ajo theksoi se, ndonëse për Yll Limanin skena ka filluar të bëhet e zakonshme, për të ishte një rikthim emocionues pas një periudhe prej 20 vitesh.
Deputetja shtoi se ishte e pamundur të refuzonte ftesën e artistit. Ajo e theksoi njohjen e saj të vjetër me Limanin, duke vlerësuar profesionalizmin e tij dhe përkushtimin e ekipit që organizoi këtë spektakël.
“U ndjeva shumë krenare për një gjeneratë të re që kupton dhe kultivon industrinë e muzikës me standarde botërore, ashtu siç i ka hije,” shkroi Hoxha në Facebook.
Në përfundim, ajo falënderoi Yll Limanin për mundësinë që të ndanin skenën së bashku, duke përfunduar me fjalët: “Jam shumë krenare me ty! Shkëlqefsh përherë!”
Be the first to comment