Autoritetet në rajonin e pushtuar të Krimesë, të mbështetura nga Rusia, kanë pezulluar shitjen e karburantit për publikun. Kjo ndodhi në një kohë kur Ukraina vazhdon sulmet kundër gadishullit.
Mungesat e karburantit ishin tashmë të ndjera për shkak të fushatës së fundit ukrainase që synonte rrugët e furnizimit në territoret e pushtuara nga Rusia. Guvernatori Sergey Aksyonov njoftoi se individët dhe bizneset do të përjashtoheshin nga stacionet e benzinës, dhe karburanti do t’u shitej vetëm agjencive qeveritare të cilat mbështesin “funksionimin dhe sigurinë” e Krimesë.
Së fundmi, Aksyonov raportoi se katër persona ishin vrarë dhe 28 të tjerë ishin plagosur nga një sulm me dron ukrainas ndaj një dege nafte në Kerç. Presidenti Volodymyr Zelensky e vlerësoi këtë sulm si një “përgjigje të drejtë ndaj sulmeve brutale të Rusisë.”
Krimea, e cila u aneksua në mënyrë të paligjshme nga Rusia në vitin 2014, vazhdon të përballet me vështirësi dhe mungesa logjistike. Zelensky gjithashtu njoftoi se Kievi kishte goditur një strukturë logjistike për transportin e naftës në rajonin Krasnodar të Rusisë, që ndodhet pranë Krimesë përtej Ngushticës së Kerçit. Autoritetet lokale raportonin se një person ishte vrarë në një traget pasagjerësh gjatë këtij incidenti.
You must be logged in to post a comment Login