Kremi i diellit është mbrojtja kryesore, por edhe këto ushqime mund të ndihmojnë lëkurën

Edhe pse dieta nuk është metoda kryesore mbrojtëse kundër dëmtimit nga dielli, disa ushqime mund të ndihmojnë në përgatitjen e lëkurës për ekspozimin në diell.

Por, a janë këto ushqime të mjaftueshme për të mbrojtur lëkurën? Përgjigja është përzier: disa ushqime kanë përfitime të caktuara, por efektet e tyre nuk mund të maten me faktorët e mbrojtjes nga dielli (SPF).

Disa ushqime ofrojnë mbështetje për shëndetin e lëkurës për shkak të përmbajtjes së antioksidantëve, të cilët ndihmojnë në luftimin e stresit oksidativ rezultat i ekspozimit ndaj faktorëve mjedisorë, përfshirë rrezet UV, sqaron dermatologia e çertifikuar Dr. Annette Czernik. Sidoqoftë, ajo thekson se konsumimi i ushqimeve nuk mund të zëvendësojë aplikimin e kremit kundër diellit. Ekspertët sinjalizojnë se çdo efekt mbrojtës nga dieta është modest dhe duhet të merret në konsideratë si pjesë e një strategjie më të gjerë.

Dr. Michael Christopher, dermatolog dhe ekspert i dermoskopisë, thekson se, ndonëse dieta mund të kontribuojë për shëndetin e lëkurës, të mbrojturit nga kanceri i lëkurës mbetet në varësi të përdorimit të kremit mbrojtës dhe metodave si veshja me rroba mbrojtëse dhe shmangia e shtretërve për rrezitje.

Ushqimet që ndihmojnë në mbrojtjen e lëkurës

Dermatologët flasin për disa ushqime që ndihmojnë lëkurën të luftojë dëmtimet nga rrezet UV, duke nënvizuar se ato duhet të plotësojnë, por jo të zëvendësojnë, metodat e provuara të mbrojtjes.

Domate

Domatet janë të njohura për mbështetje të lëkurës ndaj rrezave UV. Likopeni, një antioksidant i pranishëm në domate, ndihmon në neutralizimin e përbërësve të dëmshëm që formohen nga ekspozimi në rrezet UV. Një studim ka treguar se marrja e suplementeve me karotenoide nga domatet kontribuon në uljen e skuqjes dhe inflamacionit të shkaktuar nga rrezet UVB.

Peshk i yndyrshëm

Peshqit si skumbri, sardelet dhe salmoni përmbajnë acide yndyrore omega-3, të cilat ndihmojnë në uljen e përgjigjes inflamatore të lëkurës ndaj rrezave UV. Acidet yndyrore gjithashtu mbështesin barrierën e lëkurës, duke kontribuar në një lëkurë më të shëndetshme. Salmoni ofron një përfitim shtesë përmes astaksantinës, që ndihmon në mbrojtjen nga dëmtimet e shkaktuara nga rrezet UVA dhe UVB.

Fruta dhe perime shumëngjyrëshe

Beta-karoteni, luteina dhe karotenoidet e tjera, të pranishme në fruta dhe perime, ofrojnë mbrojtje nga dëmtimi oksidativ i shkaktuar nga rrezet UV. Ushqime të tilla si karrotat, kungujt dhe perimet me gjethe jeshile janë burime të mira. Po ashtu, ushqimet e pasura me vitaminë C, si boronicat dhe frutat agrume, kontribuojnë në shëndetin e lëkurës.

Çaj jeshil

Çaji jeshil përmban katekina, një grup polifenolësh me veti antioksiduese, të cilat ndihmojnë në zvogëlimin e dëmtimeve të lëkurës nga rrezatimi UV. Dr. Christopher thekson se këto polifenolet mund të ndihmojnë në zvogëlimin e skuqjes së lëkurës, megjithatë, nevojiten më shumë kërkime për të përcaktuar sasinë e duhur për të arritur këto efekte.