Konflikt mes burrit dhe gruas në Shkozet të Durrësit, pësojnë lëndime nga thika

Në zonën e Shkozetit në Durrës, është regjistruar një konflikt familjar që ka rezultuar me lëndimin e dy personave.

Sipas raportimeve nga A2 CNN, ngjarja ka ndodhur sot mes një burri dhe një gruaje, dhe dyshohet se lëndimet janë shkaktuar me thikë.

Të dy të lënduarit janë transferuar në spital për të marrë ndihmë mjekësore.

Aktualisht, nuk janë sqaruar rrethanat dhe shkaqet që çuan në këtë konflikt, ndërsa autoritetet policore po punojnë për të zbardhur dinamikën e ngjarjes.

Hetimet e mëtejshme për rastin janë në vazhdim.