Këto janë disa nga fletëvotimet në veri ku u përdorën shenja, dyshohet se janë të kontrolluara (FOTO)

Disa fletëvotime nga komunat me shumicë serbe kanë paraqitur shenja të pazakonta, si “=”, “%” dhe simbole të tjera. Kjo ka ngjallur dyshime se ato mund të kenë qenë të plotësuara në mënyrë të kontrolluar.

Burime për Klan Kosova raportojnë se gjatë procesit të votimit janë evidentuar disa parregullsi në veri. Dyshohet se fletëvotimet janë plotësuar nga një dorë e vetme, për shkak të ngjashmërive në nënshkrime dhe në mënyrën e plotësimit.

Sipas këtyre burimeve, pritet të shqyrtohet nëse Paneli Zgjedhor për Ankesa dhe Parashtresa (PZAP) do të vendosë për hapjen e kamerave të sigurisë në qendrat e votimit. Kjo do të shërbejë për verifikimin e dyshimeve të ngritura gjatë procesit zgjedhor.