Prej disa javësh, një thashethem i gëzueshëm po qarkullon në rrjet, duke nxitur entuziazmin e ndjekësve të besnikë të një prej serialeve më popullorë të televizionit tonë. Ky serial, i cili vazhdon të shikohet me të njëjtin pasion edhe pas më shumë se një dekade nga ndërprerja e tij, ka sjellë një valë nostalgjie.
Kjo erdhi pas një interviste të fundit me producentin dhe aktorin Shkumbin Istrefi, në podcastin “Voice of Gogaj” me Albinë Bricori Sadikaj. Aty, u hap një mundësi për rikthimin e këtij projekti, dhe duket se gjërat po ecin më shpejt se sa pritej. Ideja aktuale është që seriali të kthehet në formatin e një filmi të metrazhit të gjatë, duke ofruar një dimension të ri për publikun.
Sipas informacionit nga Privé, puna në skenar ka filluar dhe ngjarjet janë duke u formuar. Edhe pse disa nga aktorët e dashur kanë humbur, disponimi i pjesëmarrësve është tejet pozitiv. Synimi është që të gjithë protagonistët origjinalë të mblidhen përsëri për këtë projekt.
Nëse gjithçka shkon siç duhet, filmi do të ketë premierën vitin tjetër. Aktualisht, përveç punës në skenar, po bëhen përpjekje të mëdha për sigurimin e financimeve, në mënyrë që të garantohet një standard i lartë realizimi. Me një nostalgji të madhe dhe dashurinë e publikut, ky projekt ka potencialin të jetë një sukses i sigurta.
Tani na mbetet të presim detajet e mëtejshme dhe të shpresojmë që gjithçka do të ecë mirë, sepse, siç thotë populli, fillimi i mbarë është gjysma e punës.
You must be logged in to post a comment Login