Jozi merr gjithë vëmendjen në ditëlindjen e Hatit

Influencerja e njohur Hati ka festuar mbrëmë 21-vjetorin e lindjes në një atmosferë plot glamour dhe gëzim.

E njohur për stilin e saj luksoz dhe elegancën që e karakterizon, ajo siguroi që kjo ditë e veçantë të reflektonte të njëjtin shkëlqim. Për këtë rast, Hati mblodhi rrethin e saj të ngushtë të shoqërisë dhe miqve, në një ambient të dekoruar me shumë shije.

Pjesë e mbrëmjes ishte edhe këngëtari Jozi, i cili u kujdes për muzikën dhe për të krijuar një atmosferë festive për të pranishmit.

Përveç fustaneve elegante, një nga momentet më të veçanta të festës ishte kur Hati vendosi t’i kthehej traditës. E veshur me veshje tradicionale shqiptare, ajo u përfshi në një mbrëmje kulturore duke vallëzuar krah për krah me ansamblin e valltarëve.