“Jemi të shokuar dhe pa…” – flet për herë të parë babai i Edi pas rastit me Jozin

Babai i Eduart Kuçit, Arsimi, ka reaguar për herë të parë pas videos së bërë virale në rrjetet sociale, ku djali i tij dhunohet nga Jozefin Marku.

Në një prononcim të shkurtër për “Shqipëria Live”, ai theksoi se familja e tij e ka përjetuar ngjarjen shumë keq dhe për momentin nuk ndihet i gatshëm të flasë më gjatë për mediat.

Arsimi sqaroi gjithashtu se postimet që po qarkullojnë në rrjetet sociale nuk janë bërë nga ai dhe as me iniciativën e tij.

“Faleminderit për interesimin tuaj. Ju jemi mirënjohës. E kemi përjetuar shumë keq ngjarjen, sepse Shqipëria është vendi i shqiptarëve. Kjo është arsyeja pse kam lejuar djalin tim të marrë pjesë në Top Channel në fillimet e karrierës. Megjithatë, nga ky incident jemi të shokuar dhe pa fjalë. Sa i përket postimeve, dua të sqaroj se ato nuk janë bërë nga unë dhe as me iniciativën time. Për momentin nuk jam i gatshëm të jem prezent në media, sepse nuk kam çfarë të them më shumë,” theksoi Arsim Kuçi.