Izraeli thotë se ka vrarë komandantin e Hezbollahut në Liban

Ushtria izraelite ka bërë të ditur se ka eliminuar një komandant të lartë të Hezbollahut, një ditë pas sulmeve të rënda në jug të Libanit.

Sipas njoftimeve nga forcat izraelite, Abu Hassan Alaa kishte rolin e ndikimit në planifikimin dhe realizimin e disa sulmeve kundër ushtarëve izraelitë, përfshirë përdorimin e dronëve me eksplozivë.

Një valë sulmesh nga ushtria izraelite të shtunën shkaktoi vdekjen e të paktën 11 personave, përfshirë gra dhe fëmijë, sipas statistikave nga Ministria libaneze e Shëndetësisë. Këto detaje janë raportuar nga CNN dhe transmetuar nga Klankosova.tv.

Izraeli ka akuzuar Hezbollahun për shkelje të armëpushimit. Në anën tjetër, ushtria izraelite ka deklaruar se sulmet e saj ishin një përgjigje ndaj një incidenti nga Hezbollah, gjatë të cilit tre ushtarë izraelitë u plagosën rëndë.