Një reagim i shkurtër nga këngëtarja e njohur Katy Perry ka tërhequr vëmendjen e madhe në rrjetet sociale, duke u bërë një nga temat më të diskutueshme së fundmi.
Gjithçka filloi me publikimin e një videoje nga Ivanka Trump, e cila përmendi ishullin e Sazanit dhe një projekt zhvillimor që ka ngjallur interes dhe debat në platforma të ndryshme online. Pamjet u shpërndanë me shpejtësi, duke shkaktuar një valë reagimesh nga përdoruesit.
Mes komenteve të shumta, ai i Katy Perry-t doli në pah. Artistja shkroi vetëm dy fjalë: “Delulu Island”, një shprehje që përdoret në kulturën e internetit për të ironizuar situata apo pretendime që mendojnë se janë të shkëputura nga realiteti.
Ky koment u përhap shpejt në rrjete sociale, duke marrë mijëra ndërveprime dhe duke u interpretuar në mënyra të ndryshme. Disa e panë si një thumbim ndaj Ivanka Trump, ndërsa të tjerë si një shaka pa një adresim të drejtpërdrejtë.
Pavarësisht interpretimeve të ndryshme, reagimi i Katy Perry-t ka arritur të bëhet po aq viral sa vetë videoja që e nxiti atë.
You must be logged in to post a comment Login