Iu rrit gjoksi pasi vendosi spiralën hormonale, 27-vjeçares i zhduken thithkat

Një 27-vjeçare nga Teksasi, Daniela Ridener, ka ndarë historinë e saj lidhur me problemet shëndetësore të pazakonta që filluan pas vendosjes së një spirale hormonale. Ajo tregon se pas kësaj ndihme kontraceptive, gjoksi i saj filloi të rritej me një ritëm alarmant.

Në vitin 2018, kur nisi studimet universitare, Daniela kishte masën DD, por brenda dy vitesh kjo masë u përshpejtua dhe arriti në H. Deri në vitin 2022, madhësia ishte rritur në P, duke u shtuar tetë masa më shumë.

Kjo rritje e jashtëzakonshme i shkaktoi asaj dhimbje të forta fizike dhe rezultoi në nevojën për një operacion të rëndë, ku iu hoqën rreth 15 kilogramë inde dhe lëkurë. Si rezultat i kësaj procedure, ajo humbi edhe thithkat e gjirit.

Daniela beson se gjithçka filloi pas vendosjes së spiralës hormonale në vitin 2020, kur ishte vetëm 21 vjeç. Ajo thotë se mjekët insistuan se nuk kishte lidhje mes spiralës dhe rritjes së gjoksit, por Daniela është e bindur se pas vendosjes së saj, gjoksi filloi të zmadhonte.

Gjatë kësaj periudhe, Daniela shtoi rreth 23 kilogramë në peshë, por ajo thekson se trupi i saj nuk ndryshoi në asnjë pjesë tjetër. Sipas saj, vetëm gjoksi vazhdonte të rritej.

Rritja e gjoksit ndikoi në përgatitjet për martesën e saj. Ajo kishte zgjedhur një fustan nusërie, por pak para ceremonisë ishte e detyruar ta ridizajnonte, pasi pjesa e sipërme nuk i përshtatej më.

Kur u martua në janar të vitit 2022, gjoksi i saj kishte arritur madhësinë P, gjë që shoqërohej me vëmendjen e padëshiruar të njerëzve. Daniela ka përjetuar komente të shumta, ndërsa në disa raste kishte ndjerë disproporcion në ambientet e punës dhe në publik.

Përveç komenteve të padëshiruara, ajo ka përjetuar dhimbje të forta shpine. Sa herë që kryente punë si larja e enëve apo qëndronte për një kohë të gjatë në këmbë, e kapnin spazma në shpinë. Kjo gjendje u përkeqësua, duke shkaktuar plagë dhe infeksione në lëkurën e saj.

Më në fund, ajo gjeti një mjeke në Dallas, e cila vlerësoi se ndërhyrja kirurgjikale ishte e domosdoshme. Mjekët e informuan se për shkak të peshës së madhe të gjoksit, do të nevojitej një mastektomi dhe rindërtim i plotë i gjinjve, për shkak të dëmtimit të indeve nga pesha dhe shtrirja e tepërt.