Intervenim pas erërave të fuqishme në Busi të Prishtinës, largohen katër shtylla të dëmtuara

Drejtoria e Shërbimeve Publike ka ndërhyrë në fshatin Busi, në lagjen Pepaj, për të adresuar dëmet e shkaktuara nga erërat e fuqishme.

Gjatë operacionit, janë larguar katër shtylla dhe kabllot e dëmtuara. Ky veprim është kryer për të eliminuar rrezikun dhe për të siguruar mbrojtjen e banorëve që jetojnë në zonë, siç raporton Klankosova.tv.

Drejtoria e Shërbimeve Publike ka theksuar angazhimin e saj për një reagim të shpejtë në rastet e fatkeqësive natyrore. Ajo vazhdon të monitorojë situatën në terren për të ndërmarrë veprimet e nevojshme aty ku është e domosdoshme.