Një ngjarje tragjike ka ndodhur sot në oborrin e një stani në Bjeshkët e Strellcit, në Komunën e Deçanit, ku një i ri ka vrarë aksidentalisht babanë e tij nga pakujdesia.
Prokuroria Themelore në Pejë ka njoftuar se i dyshuari është arrestuar në vendin e ngjarjes. Me urdhër të prokurorit të shtetit, ai është ndaluar për 48 orë, për shkak të dyshimeve se ka kryer veprat penale “Vrasja nga pakujdesia” dhe “Mbajtja në pronësi, kontroll ose posedim të paautorizuar të armëve”.
Sipas komunikatës, arma e dyshuar në incident është sekuestruar. Po ashtu, janë autorizuar veprimet për intervistimin e dëshmitarëve okularë dhe kryerjen e të gjitha veprimeve tjera hetimore.
Be the first to comment