Hegseth anulon vizitën në Izrael pas sulmeve të fundit iraniane

Sekretari amerikan i Mbrojtjes, Pete Hegseth, ka anuluar një vizitë të pa paralajmëruar në Izrael.

Sipas raportimeve nga BBC, ky udhëtim ishte planifikuar për sot. Arsyet e anulimit lidhen me sulmet e fundit iraniane ndaj bazave amerikane në Gjirin Persik.

Hegseth është pjesë e delegacionit amerikan që po merr pjesë në samitin e NATO-s në Ankara, Turqi, i udhëhequr nga presidenti Donald Trump.

Deri tani, planet për vizitën e tij në Izrael nuk janë konfirmuar zyrtarisht nga asnjëra nga palët, SHBA ose Izrael.

Megjithatë, disa media raportojnë se vizita do të kishte përfshirë diskutime mbi shqetësimet e Izraelit në lidhje me një shitje të mundshme të avionëve luftarakë F35 në Turqi. Kryeministri Benjamin Netanyahu ka shprehur se kjo shitje do të përbënte një gabim.