Nëntoger Kushtrim Derguti ka përfunduar me sukses studimet në Akademinë Mbretërore Ushtarake Sandhurst, një nga institucionet më prestigjioze të arsimit dhe trajnimit ushtarak në Mbretërinë e Bashkuar.
Ky lajm është njoftuar nga Forca e Sigurisë së Kosovës (FSK), e cila e vlerëson si një arritje të rëndësishme në procesin e profesionalizimit dhe zhvillimit të kuadrove ushtarake.
FSK thekson se gjatë kësaj përvoje, Nëntoger Derguti ka hasur në shumë sfida, duke avancuar aftësitë e tij profesionale, lidershipin, disiplinën dhe gatishmërinë për të përballuar përgjegjësi të reja në shërbim.
“Diplomimi në Sandhurst shënon përfundimin e një kapitulli të rëndësishëm dhe fillimin e një përgjegjësie edhe më të madhe në shërbim të vendit dhe paqes në botë,” thekson FSK.
You must be logged in to post a comment Login