Filmi kosovar “Shame and Money”, i drejtuar nga Visar Morina, ka pasur një prezantim të suksesshëm në Festivalin e Filmit në Sarajevë. Sot, filmi do të shfaqet në Hong Kong International Film Festival – SummerIFF.
Premiera e tij në Azinë e Lindjes është planifikuar për në orën 21:30, në EMP Cinemas iSQUARE. Një shfaqje tjetër është caktuar për datën 25 gusht, në ora 19:30, në EMP Cinemas Times Square, e cila tashmë ka shitur të gjitha biletat.
Me këtë paraqitje në festivale dhe kinema të ndryshme nëpër botë, “Shame and Money” po zgjeron audiencën ndërkombëtare, duke sjellë një tjetër produksion të kinematografisë kosovare para publikut aziatik.
You must be logged in to post a comment Login