Deputetja britanike, Alicia Kearns, ka komentuar zhvillimet e fundit në Kosovë, sidomos pas deklaratave të presidentit serb, Aleksandar Vuçiq, lidhur me devijimin e lumit Ibër. Ajo e përshkruan reagimin e kryeministrit të Shqipërisë ndaj këtij plani si një shenjë të diplomacisë efikase.
Kearns, e cila është një mbështetëse e forte e Kosovës, kërkon që bashkësia ndërkombëtare të jetë më e rreptë ndaj Serbisë, që, sipas saj, po punon për shfuqizimin e shtetit më të ri në Evropë. Në një intervistë për agjencinë KosovaPress, ajo diskuton lidhjet e Shqipërisë me Kosovën, rreziqet nga krijimi i asociacionit të komunave me shumicë serbe dhe marrëdhëniet e Kosovës me aleatët ndërkombëtarë.
Kearns thekson se Kosova po përballet me një ngërç politik, që ka vështirësuar procesin e krijimit të institucioneve të reja pas zgjedhjeve. Ajo e vlerëson daljen e vendit nga ky ngërç si të domosdoshme për zhvillimin e mëtejshëm dhe thekson se pasiguria politike e ndikon në qeverisjen efektive.
Në lidhje me udhëheqjen e kryeministrit Albin Kurti, Kearns vlerëson përpjekjet e tij për të luftuar korrupsionin dhe forcimin e sovranitetit të Kosovës. Sidoqoftë, ajo e kritikon përballjen e tij me aleatët tradicionalë dhe përqendrimin e tepërt të pushtetit.
Ajo evidenton se Kosova është me potencial të madh, duke përmendur energjinë dhe dëshirën e qytetarëve për të avancuar vendin e tyre. Më tej, Kearns nënvizon se marrëdhëniet me Shtetet e Bashkuara dhe partnerët evropianë janë të rëndësishme, duke shprehur shqetësim për përkeqësimin e tyre gjatë viteve të fundit.
Kearns shpesh përmend nevojën për një dialog të sinqertë dhe të paanshëm mes Kosovës dhe Serbisë, duke e konsideruar të nevojshëm një rifillim të këtij procesi. Ajo shpreh qëndrimin e saj kundër Asociacionit të Komunave me shumicë serbe, theksoj se çdo strukturë e re duhet të funksionojë brenda kornizës së shtetit të Kosovës.
Duke u kthyer te politika e presidentit serb Vuçiq, ajo është skeptike në lidhje me gatishmërinë e tij për ta njohur Kosovën dhe thekson nevojën për shtim të presionit nga perëndimi ndaj Beogradit.
Dhe, përfundimisht, ajo fton liderët politikë të Kosovës që t’i lënë mënjanë dallimet për të punuar drejt avancimit të vendit, duke shfrytëzuar potencialin e tij të madh.
You must be logged in to post a comment Login