Gazetarja sportive dhe moderatorja e njohur shqiptare, Eva Murati, ka ndarë me ndjekësit e saj disa momente nga pushimet në Zadar të Kroacisë, duke shpallur zyrtarisht nisjen e sezonit të saj veror.
Pas pjesëmarrjes në Festivalin e Sporteve Sunset, një nga ngjarjet më të rëndësishme që bashkon figura të njohura të sportit, medias dhe teknologjisë, Murati vendosi t’i kushtojë disa ditë relaksit në bregdetin kroat. Ajo publikoi një seri fotografish ku shfaqet në plazhe, pishina dhe ambiente luksoze të resortit ku po qëndron.
“Nis sezonin veror në Zadar, Kroaci. Pas Festivalit të Sporteve Sunset, është koha të ngadalësoj ritmin dhe të shijoj bukuritë e këtij vendi: plazhe të bukura, pishina, stërvitje me pamje fantastike dhe një arratisje të nevojshme në spa,” shkroi ajo në Instagram.
Eva Murati është një nga figurat më të njohura të televizionit sportiv shqiptar dhe prej vitesh moderon emisione të Ligës së Kampionëve, duke u bërë e njohur edhe në rrjetet sociale. Ajo ishte gjithashtu një nga të ftuarat e këtij viti në Festivalin e Sporteve Sunset në Zadar, ku morën pjesë emra të njohur të sportit dhe medias ndërkombëtare.
Postimi i saj ka marrë mijëra pëlqime dhe komente, ndërsa ndjekësit e saj nuk kanë kursyer komplimentet për paraqitjen dhe stilin e saj veror.
You must be logged in to post a comment Login