​Elon Musk është gati të bëhet trilioneri i parë – Sa para janë 1 trilion dollarë?

Elon Musk po afrohet për të u bërë trilioneri i parë në botë, një shifër pasurie që nuk ka pasur precedent në historinë e tregtisë njerëzore.

Aktualisht, ai zotëron 273 miliardë dollarë në aksione dhe opsione, kryesisht falë pozitat e tij si CEO i Tesla-s. Nëse oferta fillestare publike e SpaceX, kompanisë së tij aktive në fushën e raketave dhe inteligjencës artificiale, realizohet sipas parashikimeve javën e ardhshme, vlera e tij mund të rritet me 841 miliardë dollarë. Musk pritet të ketë pothuajse gjysmën e aksioneve të SpaceX, e cila është e vlefshme në total për rreth 1.77 trilion dollarë. Kjo do të sillte një total prej 1.11 trilion dollarë nga dy kompanitë e tij publike.

Megjithatë, është e rëndësishme të theksohet se pasuria e Musk është kryesisht pasuri në letër, dhe jo një shifër reale në një llogari bankare. Vlera e tij reale varet nga mënyra sesi investitorët do të vazhdojnë t’i vlerësojnë Tesla-n dhe SpaceX në të ardhmen, siç nënvizon CNN.

Një trilion dollarë përbëjnë një mijë miliardë dollarë. Shpenzimi i tij në një jetë të vetme do të ishte praktikisht i pamundshëm. Nëse dikush do të shpenzonte 1 milion dollarë çdo orë, do të nevojitej më shumë se një shekull për të shpenzuar një trilion dollarë.

Për ta ilustruar situatën, mund të përmendim disa ekonomi që shpejt do të kenë vlera më të ulta se ajo e Elon Musk. Sipas Fondit Monetar Ndërkombëtar, vetëm 20 vende në botë kanë ekonomi që e kalojnë vlerën prej 1.1 trilion dollarësh. Kjo do të thotë se shumica dërrmuese e kombjeve kanë ekonomi më të vogla se ajo e Musk.

Në mesin e këtyre vendeve janë Tajvani me 977 miliardë dollarë, Irlanda me 779 miliardë dollarë, Suedia me 760 miliardë dollarë dhe Singapori me 660 miliardë dollarë, përfshirë dhe Afrikën e Jugut, vendlindjen e Musk, me një ekonomi prej 480 miliardë dollarësh.