Ekstradohet nga Kroacia në Kosovë i kërkuari me urdhërarrest ndërkombëtar

Një shtetas kosovar u ekstradua më 15 gusht nga Kroacia në Kosovë, në përputhje me një urdhërr arrest ndërkombëtar të lëshuar nga institucionet e drejtësisë kosovare.

Sipas Policisë së Kosovës, ky proces ekstradimi u realizua nga Drejtoria për Bashkëpunim Ndërkombëtar Policor (ILECU), në bashkëpunim me njësitë përkatëse të Policisë dhe institucionet e drejtësisë.

I ekstraduari dyshohet se është i përfshirë në veprën penale të dhunimit.

Pas mbërritjes në Kosovë, ai iu dorëzua njësive policore për të vijuar procedurat e mëtejshme ligjore.