E trishtë: Ky është 26-vjeçari që humbi jetën nga rrufeja në Suharekë

Fatlind Bajselmani, 26 vjeçar, ka humbur jetën dje pasdite pas goditjes nga rrufeja në një zonë malore në Delloc të Suharekës.

Mediat lokale raportojnë se varrimi i tij do të kryhet sot në orën 17:00, në varrezat e fshatit Maqitevë, sipas informacionit të dhënë nga familjarët.

Policia e Kosovës ka njoftuar se vdekja e të riut është konfirmuar në vendin e ngjarjes nga një ekip mjekësor i Qendrës së Mjekësisë Urgjente në Suharekë.

Dëshmitarët kanë theksuar se qasja në vendin ku ndodhi ngjarja ishte e vështirë.