Trupi i gjetur disa ditë më parë në Cërrunjë i përket Eglant Koçit. Sipas raportimeve nga Top Channel, të dhënat e grupit hetimor kishin sugjeruar që trupi i përkiste 34-vjeçarit të humbur që nga data 4 qershor. Megjithatë, vetëm pas konfirmimit me testet e ADN-së, identiteti u verifikua me siguri të plotë. Kjo ishte e mundur falë disa karakteristikave, si shenja e operacionit, numri i këmbës 40, dhe rrobat e zeza që kishte kufoma, të cilat përputhen me ato që Eglanti kishte veshur në aparencën e tij të fundit.
Familja e tij tani pret të tërheqë trupin nga morgu i Tiranës. Trupi i Eglant Koçit u gjet në një gjendje dekompozimi, pas dy javësh kërkimesh nga forcat e policisë, të cilat ishin ndihmuar edhe nga forcat e sigurisë së Kosovës dhe dronët.
Autoritetet dyshojnë se Eglant Koçi mund të jetë vrarë nga miku i tij, Armando Shakaj, i cili është në kërkim prej disa javësh.
You must be logged in to post a comment Login