E FUNDIT: 13-vjeçarja nga Llapi rrezikon të mbytet në Shëngjin, dërgohet me urgjencë në spital

Një 13-vjeçare nga Podujeva ka qenë në rrezik të mbytjes të enjten e kaluar në bregdetin e Shëngjinit.

Incidenti është konfirmuar nga Policia e Lezhës, e cila njoftoi se e mitura u nxor nga uji nga pushuesit, në një gjendje të rëndë.

Sipas informacioneve nga policia, 13-vjeçarja u transportua menjëherë në Spitalin Rajonal të Lezhës. Pas marrjes së ndihmës mjekësore, ajo është jashtë rrezikut për jetën.