Dy të lënduar në një aksident trafiku në Prishtinë 

Dy persona kanë pësuar lëndime si rezultat i një aksidenti mes dy automjeteve, i cili ndodhi sot në mëngjes rreth orës 08:00 në Prishtinë.

Zëdhënësi i Policisë për rajonin e Prishtinës, Enis Pllana, konfirmoi për Klankosova.tv se aksidenti ndodhi në rrugët “Arbënor” dhe “Astrit Dehari”.

“Sipas të dhënave fillestare, dy persona kanë marrë lëndime dhe tashmë kanë pranuar tretman mjekësor,” tha Pllana.

Ai theksoi se njësitet e Trafikut të Kryeqytetit janë drejtuar në vendngjarje për të trajtuar rastin.